TORREBENN !

Brudet eo Emsavadeg ar Bonedoù Ruz e-touez ar Vretoned kar-o-bro ha garanet don an darvoudoù-se e memor an dud.
Drailh a oa savet er vro a-bezh pa oa aet faez ar bobl gant an taosoù a yae war greskiñ, ar paper timbr hag an taillhoù all diniver war o chouk. Dav e oa stourm ouzh gwaskerien ar bobl ha taer e oa ret mont de'i.
Diwar an irienn-se en deus savet Yann Bijer e romant ma laka tud ar bobl war ar bazenn uhelañ. Diwar an dizesper hag ar baourentez en em vod an dud en-dro d'ar chapelioù diouzh an abardaez, ferc'hier, filc'hier ha goafoù ganto !
E Brieg int kroget dija da blantañ an tan e tiez an noblañs, an tailhanter ha pelloc'h c'hoazh diouzh ma kas an toksin e vrall evit gervel ar gouerien d'an drailh.