GERIADUR AR VEZEKNIEZH rann 8 - Miliaire Ostéite

Pa arbenn ouzhin ur c'henvroad : "Ne gomprenan ket ar gerioù a arverit", ez a sklaer dezhañ diouzhtu kevatal gallek ar bommoù a chome dreist e ziraez e brezhoneg. Un heuliad eo d'ar soubadur er gedvuhez c'hallek - en ezvezañs ur gedvuhez e van estren ar yezh. Ar gedvuhez vrezhnek ne ra ket diouer koulskoude. Soliet emañ war oberennoù an aozeion a zalc'h, abaoe tri c'hantved betek hiziv, da herouezañ ar brezhoneg.
Hep hengoun mezegel emañ direet ar brezhoneg da geinañ ouzh ar yezhoù all, resisoc'h, ouzh ul lavar etrevroadel dindan reolerezh an American English ; hemañ, diziouerus d'ar c'hehentereej etre imbourc'herion ar blanedenn, prizius evel yezh kein hollvedel, a denn e zanvez eus ar yezhoù tal gwriziennet pep hini en ur gedvuhez dibarek.
Evit an diwezhañ deuet, ar brezhoneg, a ziskouez endeo bezañ e tro da bourchas loazioù d'ar preder mezegel.